Azərbaycan Milli Elmlər Akademiyasında (AMEA) yarım əsrdən çox fəaliyyət göstərən "Elm və həyat" jurnalının yeni nömrəsi nəşr olunub.

Axar.az xəbər verir ki, jurnalın bu nömrəsində AMEA-nın vitse-prezidenti, akademik İsa Həbibbəylinin "Heydər Əliyevin dövlətçilik təlimində ədəbiyyat siyasəti və müasir dövr" adlı məqaləsi yer alıb. Bundan başqa, jurnalda "AMEA-nın Genetik Ehtiyatlar İnstitutunun elmi potensialı", "Azərbaycanın dövlətçilik tarixi arxeoloji tədqiqatlarda" mövzularında məqalələr və coğrafiyaçı-alim, şair Oqtay Ələkbərovun Dövlət Mükafatına layiq görülmüş alimlərə ithaf etdiyi şeiri də öz əksini tapıb.

Qeyd edək ki, jurnalın baş redaktoru AMEA-nın prezidenti, akademik Akif Əlizadə, baş redaktorun müavinləri AMEA-nın vitse-prezidenti, akademik İsa Həbibbəyli və AMEA-nın İctimaiyyətlə Əlaqələr və Elmin Populyarlaşdırılması İdarəsinin rəisi Zülfüqar Fərzəliyev, məsul katib isə AMEA-nın Mətbuat orqanları şöbəsinin rəis müavini Turan Rəhimovadır.