Ana səhifə Kult |
"Ola bilsin ki, razılıq əldə edilən zaman Əsədin devrilməsi şərti də Ərdoğan höküməti tərəfindən irəli sürülüb".
Bu sözləri Axar.az-a açıqlamasında Şərq-Qərb araşdırmalar mərkəzinin başçısı Ərəstun Oruclu ABŞ Müdafiə Nazirliyi rəsmilərinin İŞİD-ə qarşı hava əməliyyatlarında Türkiyə ərazilərindən istifadə ediləcəyi ilə bağlı Asoşieyted Press Agentliyinin yaydığı məlumatı şərh edərkən deyib.
Ə. Oruclu bildirib ki, Türkiyənin bu addımı atmasının səbəbi bölgədəki maraqlarından irəli gəlir və belə etməsə, bölgədə kürd dövləti yaradıla bilər:
"Görünür, Türkiyəyə anlatdılar ki, razılığa gəlsə, bölgədəki maraqları təmin olunacaq. Yox əgər razılaşmasa, İraqda kürd dövləti yaranacaq, İncirlik bazası oraya köçürüləcək və Türkiyə bölgəsəl proseslərdən kənarda saxlanılacaq".
Siyasi təhlilçi rəsmi Ankaranın bu addım ilə bölgədə söz sahibi olan ölkə statusunu qorumaqla bərabər həm də Türkiyə tərəfinin etdiyi risklərin heç də az olmadığını vurğulayıb:
"Məncə, bu müqavilə Türkiyənin bölgədə söz sahibi dövlət olmaq maraqlarına cavab verir. Baxmayaraq ki, bu addımı atarkən Türkiyənin riskləri də az deyil".
Tarix
2014.10.13 / 10:33
|
Müəllif
Aygün Yusibova
|