Rusiya qoşunları tədricən əsas səylərini Slavyansk–Kramatorsk istiqamətinə yönəldir və yeni hücumlara yaşayış məntəqələrini məhv etməklə hazırlığa başlayıb.

Axar.az xəbər verir ki, bu barədə “DeepState” (DS) analitikləri məlumat veriblər.

Onların sözlərinə görə, Ukrayna ordusu üçün yeni əsas çağırış texnologiyalardır. Çünki ukraynalı hərbçilər çox sayda Rusiya hərbçilərini məhv etməyə nail olurlar.

Bildirilir ki, Slavyansk və Kramatorsk şəhərləri davamlı olaraq KAB idarəolunan aviasiya bombaları, reaktiv yaylım atəşi sistemləri (RYAS), "Şahid" pilotsuz uçuş aparatları və FPV-dronlarla vurulur. FPV-dronlar şəhər küçələrində uçaraq insanları və avtomobilləri hədəfə alır, hədəfləri isə təsadüfi seçirlər.

"Gecələr partlayışlar demək olar ki, səngimir. Xüsusilə də düşmənin reaktiv yaylım atəşi sistemlərindən istifadə etməsi nəticəsində şəhərlər tədricən xarabalığa çevrilir", – deyə məlumatda bildirilib.