Bir müddət öncə əməkdar artist İlqar Cahangirin rəhbəri olduğu 3-cü "Aktyorluq" kursu fəaliyyətə başlayıb.

Axar.az xəbər verir ki, "Aktyorluq" kursu Kino Atelyesinin nəzdində fəaliyyətə başlayıb. Kursun məqsədi istedadlı gənclərə aktyorluğun sirlərini öyrətmək və kino, teatr səhnəsinə yeni simalar qazandırmaqdır.

Kino Atelyesinin "Aktyorluq" və "Sinema" kursu var. "Sinema" kursuna isə ssenaristlik, rejissorluq və prodüserlik daxildir. "Sinema" kursunda dərslər yerli və xarici mütəxəssislər tərəfindən keçirilir. Ssenari Mərkəzinin təşkil etdiyi Kino Atelyesində "Sinema" kurslarına qəbul hələ də davam edir.

Xatırladaq ki, dünən İlqar Cahangir 47-ci doğum gününü qeyd edib. İlqar Cahangir 1967-ci il noyabrın 30-da Bakıda anadan olub. 1989-cu ildə Azərbaycan Dövlət Mədəniyyət və İncəsənət Universitetinə qəbul olub. Teatr fəaliyyətinə ilk dəfə Kamera Teatrında başlayıb və 2009-cu ilə qədər orada fəaliyyət göstərib. Sonra bir müddət Azərbaycan Dövlət Gənc Tamaşaçılar Teatrında işləyibvə oradan ayrıldıqdan sonra müstəqil "Oda" teatrının aktyoru olub. Dram və kino aktyoru kimi film, serial və reklamlarda çəkilir.

Aktyoru kollektivimiz adından təbrik edir və daha böyük uğurlar arzu edirik.