"Temp Prodakşn"ın rəhbəri, rejissor Türkay Azəri yeni filmin çəkilişlərinə başlayıb.

Axar.az xəbər verir ki, ssenarisini iki ilə yaxın müddətdə işləyib bitirən rejissor filmdə həm də özünü oynayır. Hazırda Bakıda çəkilən film 2000-ci illərdə radio aparıcısı olan gəncin həyatından və ona aşiq olan xərçəng xəstəsi qızın arzularından bəhs edir. Filmdə radio dinləyicilərin həyat tərzi, düşüncəsi açıq-aşkar göstərilir.

Rejissorun sözlərinə görə, film martda kinoteatrlara çıxacaq. Rollarını Anar Səfiyev, Səmimi Fərhad, Türkay Azəri, Səyyad İlqar, Pərvanə Alıyeva və digərlərinin ifa etdiyi film melodram janrındadır. Quruluşçu operatoru Ruslan Məmmədov, geyim üzrə rəssamı Aida Maqsudova, stilisti Süleyman Həsənov, səs rejissoru Şahin Allahverdidir. Filmin musiqilərini isə Milan Məmmədov bəstələyib.