Yuxarı

Spivakova: Erməniyəm, amma Eyvazovu müdafiə edirəm...

Ana səhifə Kult
12 Punto 14 Punto 16 Punto 18 Punto

Rusiyalı aktrisa və teleaparıcı, məşhur dirijor və skripkaçı Vladimir Spivakovun həyat yoldaşı Sati Spivakova (əsl adı Satenik Saakyantsdır və əslən ermənidir - red.) erməni Ruzan Mantaşyanla bağlı qalmaqalda onunla eyni səhnədə oxumaqdan imtina edən azərbaycanlı tenor Yusif Eyvazovu müdafiə edib.

Kult.az Oxu.az-a istinadən xəbər verir ki, Spivakova məsələ ilə bağlı indiyə kimi səssiz qaldığı üçün özünü tənqid etdiyini bildirib.

“Mən bir çox çağırışlara cavab olaraq hamını “müharibə yoluna” qarşı çıxmağa çağırıram. Bəzi izləyicilərin qəzəbinə səbəb olacağına baxmayaraq, Drezdendəki məsələ haqqında səssiz qaldığım üçün özümü tənqid edirəm. Ümumilikdə sənət və musiqi, bir millətin, bir dinin və ümumdünya dilinin ərazisidir”, - deyə Spivakova yazıb.

Onun sözlərinə görə, beynəlxalq zəmində siyasətçilər tərəfindən qızdırılmış nifrəti əkmək nəhəng meşədə benzinlə dolu açıq çənə kibrit vurmaqdan asandır:

“Heç kim öz xalqlarında genetik düşmənlik ağrısını biz iki xalqda olduğu kimi daha çox hiss edə bilməz. Bu ağrı yalnız sevgi və dözümlülük, diqqət və anlayışla müalicə oluna bilər. Ən əsası - təxribatlara təslim olmayan ağılla”.

O, əri maestro Spivakov ilə birlikdə ömrünün 37 ili ərzində böyük sənətkarların, xüsusən də həyat yoldaşının vicdansız agentlərin, prodüserlərin, rejissorların, katiblərin təxribatlarının, intriqalarının və gizli təlaşlarının qurbanı olduqlarının, nəticədə, yalnız müqavilələrin deyil, eyni zamanda, milliyyətdən asılı olmayan, illərlə olan dostluqların məhvinə səbəb olduğunun dəfələrlə şahidi olduğunu deyib.

“Mən yalnız şəxsən şahid olduğum şeylərə inanıram. Rəğbət bəslədiyim gənc erməni müğənni Ruzanna Mantaşyanın bu çirkli və xırda hekayənin qurbanı olduğunu başa düşərək, Eyvazovu aldadıldığı və məcbur edildiyini bildiyim üçün qorumaq istəyirəm. Mən erməniyəm, o azərbaycanlıdır. Siyasi kontekstdə baxsaq, şübhəsiz ki, barrikadaların fərqli tərəfində olacağıq”, - deyə Spivakova yazıb.

O qeyd edib ki, hər hansı bir sənətçi üçün həmkarının milli mənsubiyyəti heç vaxt rol oynamır. Onlar “beşinci sütunda”, tabletlərdə olduğu kimi, “sənətkar” yazılır.

“Bütün sənətçilər – “İncəsənət” adlı məhdudiyyətsiz bir ölkənin vətəndaşıdır. Və sonda: Bu postu hamını sakitləşməyə və bu ağılsızlığı müzakirə etməməyə çağırmaq üçün yazdım”, - deyə o qeyd edib.

Xatırladaq ki, Yusif Eyvazov və Ruzan Mantaşyan 2020-ci ilin fevralın 7-də Drezden Dövlət Operasında çıxış etməli idi.

Ötən il yanvarın 13-də Ruzanın maraqlarını təmsil edən bir agentlik onun iştirakına dair razılaşmanın ləğv olunduğunu bildirən bir press-reliz təqdim edib. Səbəb azərbaycanlı müğənninin Ermənistan vətəndaşı Ruzan Mantaşyanla eyni səhnədə çıxışdan imtina etməsi olub. Bu barədə Eyvazov və Mantaşyan özü də baş verənləri şərh etməkdən imtina ediblər.

Tarix
2020.01.21 / 17:23
Müəllif
Kult.az
Şərhlər
Digər xəbərlər

Cənubi Qafqazda “bir dövlət” silinə bilər - Tarasov

Qərb İrəvanda buna imkan verməyəcək – Ekspert

Nikol Tavuşda izah etdi: Bakı 4 kəndi istəyir, biz isə...

Stoltenberqin Bakı səfərinə Rusiyadan baxış

Bakı və İrəvan üçün sülh çox vacibdir - Video

Azərbaycan çox əhəmiyyətli ölkədir - Stoltenberq

Bu gün İlaxır çərşənbə qeyd olunur

Hikmət Hacıyev Çin rəsmiləri ilə görüşdü

Azərbaycan-İraq əlaqələri müzakirə olundu

Əliyev niyə Putinə təbrik zəngi etdi? – “Unudanların” diqqətinə

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla