Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
6 Avqust 2020


İcra başçılarının dəhşətli həyasızlığı...

Ana səhifə Kult
12 Punto 14 Punto 16 Punto 18 Punto

DTX-nin dövlət orqanlarında keçirdiyi əməliyyatlardan sonra bəzi vəzifəli şəxslərin, xüsusən icra başçılarının maskası düşdü. Amma başçılar maskasız qala bilmədilər və dərhal özlərinə yeni "üz" - həyasızlıq maskası geyindilər.

Sözümü nəyə gətirirəm.

DTX əməliyyatlarından sonra tutulan icra başçıları apellyasiya şikayəti verirlər.

Dəhşətdir! Bax, bu artıq həyasızlığın zirvəsidir.

A kişi, sən cinayət üstündə tutulmusan! Xalqa, vətənə, işlədiyin iqtidara xəyanət eləmisən! Dizlərini yerə atıb xalqdan, Prezidentdən üzr istəməli və güllələnmə tələb etməlisən. Amma sən neynirsən?

Görün nə qədər həyasız-abırsızdırlar ki, evlərindən, iş yerlərindən çıxan külli miqdarda vəsaitlərin görüntülərinin yayılmasının dərhal ardından ilkin məhkəmə qərarından apellyasiya şikayəti verməyə üzləri var, “günahsız” olduqlarını bəyan edib, azadlığa çıxmaq istəyirlər.

Bunlarda zərrəcə vicdan yoxdur. Zatən, vicdanı olan kəslər pandemiya dövründə, bu ağır şəraitdə xalqın, yetimin haqqını yeməzdi.

Məsələ budur ki, bunlarda abır-həya, utanmaq-qızarmaq da yoxdur. Bunların əlində kəsilmiş baş tutsan, deyəcəklər, tumar çəkirdim.

DTX bu yaxınlarda daha bir önəmli əməliyyat keçirdi. Bu əməliyyatda illər əvvəl postumuza hücum edib əsgərimizi şəhid edən terrorçu saxlanıldı. Açığı, mənim gözümdə həmin terrorçu ilə bu icra başçıları arasında heç bir fərq yoxdur. İkisi də dövlətə, xalqa xəyanət edib. İkisi də cinayətkardır. Terrorçu bir əsgəri şəhid edibsə, bu həyasız başçılar yüzlərlə vətəndaşımızı "qətlə yetiriblər".

Yenə cəhənnəm, həmin terrorçu günahını etiraf edir. Bu başçıların boynuna qoymaq olmur cinayəti.

Heysiyyətiniz olsun, çıxın deyin ki, qələt eləmişəm, oğurladığım pulları xalqa qaytarmaq istəyirəm. De ki, it kimi peşmanam, vicdan əzabı çəkirəm, mənə ən ağır cəzanı verin.

Raskolnikovda olan mənliyin 1 faizi sizdə olaydı kaş!

Özü də bunların həyasızlığı çoxmərtəbəlidir. Axı Prezident xəbərdarlıq etmişdi sizə! Demişdi ki, bəzi məmurlar var, xalqı incidirlər, bu əməllərini dərhal dayandırsınlar. Siz kimsiniz axı Prezidentin tapşırığını gözardı edirsiniz? İndi də durub apellyasiya üçün dilənirsiniz. Dilənmək adətinizdir. Siz vəzifə başında da dilənib xalqdan pul yığırdınız. Bu vaxta qədər pul saymısınız, bundan sonra da gün sayarsınız - həbsxanada!

Tarix
2020.05.19 / 16:05
Müəllif
Şeyx Teymur
Şərhlər
Digər xəbərlər

Yaxın Şərqin ən uğurlu 10 qadın biznesmeni... - Siyahı

Sosial şəbəkədə ən çox onlar şikayət edir - Xalq artisti

Onun əlindən qaçıb gizlənmişəm – Alim Qasımov

Rüstəmxanlı Fəttah Heydərovdan yazdı: Qolumdan tutar...

Ziyalıların haqlı etirazını müdafiə etdim - Paşayeva

Fəttah Heydərovun TV-də təəccüb doğuran addımı - Video

Əməkdar artistdən çağırış: Şadlıq sarayları teatra verilsin

Orta Asiyada Qırmızı orduya qarşı vuruşan Paşa...

Cəmil Osmanqızının Bakıdakı gizli dəstəkçiləri...

Qürurlu Azərbaycan xalqına arzu edirəm ki... - Drozdov

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla