ANS Şirkətlər Qrupunun vitse-prezidenti, əməkdar telejurnalist Mirşahin Ağayev Bakı Dövlət Universitetinin Jurnalistika fakültəsində "Tələbədən tələbəyə" layihəsinin qonağı olub.

BDU-nun mətbuat xidmətindən Axar.az-a verilən məlumata görə, görüşdə layihə rəhbəri Könül Niftəliyeva, Məhəmməd Əmin Rəsulzadə irsinin araşdırıcısı, professor Şirməmməd Hüseynov, İctimai Televiziya Yayım Şurasının sədri Cahangir Məmmədli və Jurnalistika fakültəsinin tələbələri iştirak ediblər. Mirşahin tələbələrlə təcrübəsini bölüşüb və onların suallarını cavablandırıb.

Qeyd edək ki, Jurnalistika fakültəsinin "Tələbədən tələbəyə" layihəsi çərçivəsində təcrübəli yuxarı kurs tələbələri öz biliklərini aşağı kurslarla bölüşürlər.