Rusiyada Prezident Vladimir Putini tənqid edən publisistik araşdırma kitabları ağır senzura şərtləri ilə nəşr olunur.

Axar.az xarici mətbuata istinadən xəbər verir ki, son dövrlərdə bir çox qərbli jurnalist Rusiyadan bəhs edən kitablarının içərisindən bəzi hissələrin özlərinə xəbər verilmədən çıxarılaraq nəşr edildiyini öyrənib.

İngilis jurnalist Luk Hardinq "Qovulmuş: Bir jurnalistin rus mafiya dövlətinə enişi" adlı kitabının Rusiyada "Alqoritm" adlı bir nəşriyyat tərəfindən təxribat məqsədilə nəşr edildiyinin fərqinə varıb.

Hardinq Rusiyada məruz qaldığı təcavüzlərin, Aleksandr Litvinenko sui-qəsdi haqqındakı araşdırmalarının kitabdan çıxardıldığını deyib. "Alqoritm" nəşriyyatının sahibi Sergey Nikolayev kitabı Ukraynadan aldıqlarını və Hardinqlə əlaqə saxlaya bilmədiklərini deyərək özünü müdafiə edib.

Qeyd edək ki, "Ekonomist" ("The Economist") jurnalının köhnə Moskva müxbiri Eduard Lukasın da araşdırma kitabı müəllifdən xəbərsiz nəşr olunub.