Ana səhifə Kult |
Bakı Şəhər Mədəniyyət Baş İdarəsinin Ə.Bakıxanov adına 6 nömrəli uşaq musiqi məktəbinin fortepiano sinfinin IV sinif şagirdi Sara Teyyublu və I sinif şagirdi Dəniz Əliyeva (müəllimə Raminə Ağayeva) Fransanın Paris şəhərində “İnterviziya Avro İncəsənət Müsabiqəsi” (International Vision Evro Arts competitions) çərçivəsində onlayn keçirilən "Parisdə Slavyan mədəniyyəti" (La Culture Slave a Paris) Beynəlxalq müsabiqədə uğurla çıxış edərək diplomla təltif olunublar.
Kult.az xəbər verir ki, müsabiqədə Sara Teyyublu M.Mayerin "Qaraçılar rəqsi” əsərini ifa edərək I yerə, Dəniz Əliyeva isə U.Gillokun "Splashing in the brook" əsərini ifa edərək II yerə layiq görülüb.
Qeyd edək ki, “İnterviziya Avro İncəsənət Müsabiqəsi” Avropanın rəsmi beynəlxalq müsabiqələr silsiləsindən olan mötəbər beynəlxalq distant uşaq və gənclərin yaradıcılığı müsabiqəsidir. Məktəblilərin qatıldığı "Parisdə Slavyan mədəniyyəti" Beynəlxalq müsabiqəsi bu çərçivədə keçirilən populyar ifaçılıq yarışmasıdır.
Tarix
2023.04.07 / 16:49
|
Müəllif
Kult.az
|