Biz gərək dilimizdə, xüsusən də danışıqda təsadüfən işlədilən rus sözlərini - məsələn “vopşe”, “tak çto”, “znaçit” kimi - lüğətə daxil edək.

Kult.az xəbər verir ki, bunu Azərbaycan Atatürk Mərkəzinin direktoru, akademik Nizami Cəfərov Teleqraf-a açıqlamasında deyib.

O qeyd edib ki, bu sözlər artıq bizim leksikonumuzda var:

"Eyni zamanda mətbuatda hələ də yayğın olmayan bir ingilis, fransız, ərəb, hind sözü işlənirsə, onu da lüğətə daxil edə bilərik. Məhz bu cür dildəki sözlərin sayını artırmaq olur. Bir var əsas lüğət fondu, dilin lüğət tərkibi, bir də var ki, dilin lüğət tərkibində ehtimal olunan biləcək söz yaradıcılığı prosesləri. Çünki biz hər gün söz yarada bilirik. "Dəmirçi" sözü varsa, sabah "taxtaçı" sözü də ola bilər. Yəni, bu potensialı da nəzərə almaq lazımdır".