Türkiyənin meqa starı Tarkan terroru lənətləyib.

Axar.az xəbər verir ki, müğənni iki gün əvvəl Türkiyədə törədilən terrora rəsmi İnstaqram səhifəsində münasibət bildirib. O, terrorda şəhid olanların ailələrinə başsağlığı verib:

“Nə qədər kədərli olduğumu, içimin necə göynədiyini, yandığını başa sala bilmərəm. Nə zaman bitəcək bu ölümlər? Nə zaman qovuşacağıq əmin-əmanlığa? Nə zaman günə ümidlə başlayacağıq? Bu ölkə, bu millət yazıqdır... Sözlər kədərimi ifadə etməyə aciz və yetərsizdir... Bu xain hücum nəticəsində həyatını itirən onlarla məsum insanın ailəsinin, yaxınlarının başı sağ olsun. Yaralılara Allahdan şəfa diləyir, terroru bir daha lənətləyirəm”.

Qeyd edək ki, İstanbulun Beşiktaş rayonunda baş verən iki partlayış zamanı 44 nəfər həlak olub, 155 nəfər yaralanıb.