Ağ Evin Ukrayna müharibəsinə dair ilkin strategiyası Kreml rəhbəri Vladimir Putinə demək olar ki, istədiyi hər şeyi təklif etməkdən ibarət idi. Eyni zamanda, Ukraynaya da Rusiyaya güzəştə getməsi üçün təzyiq göstərilməli idi.

Axar.az xəbər verir ki, bu barədə “Blumberq” nəşri yazıb.

“Bu taktika tez nəticə verməli idi. Lakin belə addımlar yalnız ABŞ-ı zəiflətdi. Vladimir Putin bu güzəştlərdən istifadə etdi, lakin sonradan daha çox tələb irəli sürdü və hücumlarını gücləndirdi.

Buna görə də Ukraynaya qarşı müharibədə Moskvanı atəşkəsə razı salmaq üçün Ağ Ev rəhbəri 8 avqusta qədər yeni rüsumlar tətbiq etməklə hədələdi. Əgər Tramp doğrudan da ABŞ-ın maraqlarını birinci yerə qoymaq istəyirsə, bu ultimatumun icrasını təmin etməlidir”, - nəşr bildirib.

Qeyd olunur ki, hazırda Ukrayna böyük təzyiq altındadır, halbuki bu münaqişədə təcavüzkar ölkə belə bir təzyiq hiss etmir ki, bu da ABŞ üçün risk yaradır.