Qəzzada baş verən humanitar böhranla bağlı ABŞ Prezidenti Donald Tramp və İsrail Baş naziri Netanyahu arasında gərgin telefon danışığı olub.

Axar.az xəbər verir ki, bu barədə NBC yüksək rütbəli ABŞ rəsmilərinə istinadla məlumat yayıb.

Məlumata görə, gərgin telefon danışığı Netanyahunun bir tədbirdə Qəzzada aclıq olmadığını deməsindən sonra baş verib.

Ertəsi gün Tramp açıq şəkildə Netanyahunun zəmanətinə xüsusilə inanmadığını, Qəzzada həqiqi aclıq olduğunu söyləyib: “Bunu saxtalaşdıra bilməzsiniz”.

Trampın şərhlərindən sonra Netanyahunun ABŞ prezidenti ilə telefon danışığı tələb etdiyi bildirilib.

Zəng zamanı baş nazir Trampa bildirib ki, Qəzzadakı aclıq xəbərləri HƏMAS tərəfindən uydurulub və anklavda aclıq geniş yayılmayıb. Bu zaman Tramp Netanyahunun sözünü kəsib və qışqıraraq deyib ki, köməkçiləri ona Qəzzada uşaqların aclıqdan öldüyünə dair sübutlar göstəriblər.