ABŞ Prezidenti Donald Tramp Alyaskada keçirilən sammitdən sonra özünün, Rusiya Prezidenti Vladimir Putin və Ukrayna Prezidenti Vladimir Zelenskinin iştirakı ilə görüşün mümkünlüyünü şərh edib.

Axar.az xəbər verir ki, Amerika lideri bu barədə "Foks Nyus" telekanalına müsahibəsində bildirib.

"İndi məsələ Prezident Zelenskinin əlindədir və mən həmçinin deyərdim ki, Avropa ölkələri bir az müdaxilə etməlidirlər, lakin bu, Prezident Zelenskinin işidir. Düşünürəm ki, biz hazırıq və əgər onlar istəsələr, mən növbəti görüşdə olacağam. İndi onlar Prezident Zelenskinin Prezident Putinlə görüşünü təşkil etməyi planlaşdırırlar", - Tramp deyib.