Hiss olunur ki, İran-İsrail müharibəsinin ikinci mərhələsi yaxınlaşır. İran qisasa hazırlaşır və iranlılar bu rəzalətə uzun müddət dözə bilməzlər.

Axar.az xəbər verir ki, bunu İsrailin keçmiş təhlükəsizlik rəsmisi Jak Neriya deyib.

Neriya Bəşər Əsədin devrilməsinin İran üçün ağır itki olduğuna diqqət çəkib:

"Suriyalılar İsrail cəbhəsində sülh istəyirlər. Bu, strateji bir addımdır, İsrail Əhməd əş-Şara hakimiyyəti vasitəsilə Dəməşqin İranın İsrail ətrafında yaratdığı təzyiq halqasını qıra bildi. Bəşər Əsədin devrilməsi həm də Hizbullahın regional qüvvə kimi süqutuna səbəb oldu. Buna görə də İran Şara hakimiyyətinin devrilməsini istəyir".