Macarıstan baş verən son dron hadisəsindən sonra Polşayla tam həmrəylik göstərir. Polşanın ərazi bütövlüyünün pozulması qəbuledilməzdir.

Axar.az xəbər verir ki, bu sözləri Macarıstanın Baş naziri Viktor Orban özünün X səhifəsində yazıb.

“Bu hadisə göstərir ki, Rusiya-Ukrayna müharibəsində sülh çağırışlarımız məntiqli və ağıllı siyasətdir. Müharibənin kölgəsində yaşamaq risklər və təhlükələrlə doludur.

Artıq sona çatdırmağın vaxtıdır! Bu məqsədlə biz ABŞ Prezidenti Donald Trampın sülhün əldə olunması istiqamətində səylərini dəstəkləyirik”, - Orban bildirib.

Qeyd edək ki, 10 sentyabrda Rusiyaya məxsus "Şahid" PUA-ları Polşaya hücum edib.