Avropa Rusiyanın təxribatlarına cavab olaraq daha qətiyyətli hərəkət etməlidir.

Axar.az xəbər verir ki, bunu Ukraynanın xarici işlər naziri Andrey Sibiqa deyib.

"Hazırda Polşa və Estoniyada gördüklərimiz Rusiyanın Ukraynaya qarşı təcavüzünün necə başladığını xatırladır. Hibrid hücumlar və eskalasiya, dövlət sərhədinin pozulması və digər addımlar. Bu nümunənin təkrarlandığını, lakin müxtəlif formalarda olduğunu görə bilərik. Bu eskalasiyaya qarşı durmağın yeganə effektiv yolu güc və birlikdə cavab verməkdir", - Sibiqa vurğulayıb.

O hesab edir ki, Qərb Təhlükəsizlik Şurasının iclası və ya NATO-nun 4-cü maddəsinin tətbiqi kimi bütün mövcud vasitələrdən fəal şəkildə istifadə etməlidir. Bununla belə, o, siyasi deyil, daha praktik addımlar atmağa çağırıb.