Hücum qruplarının Silahlı Qüvvələrin ayrıca bir qolu kimi yaradılması Ukrayna ordusunun yüksək texnoloji komponenti və PUA-ların aktiv istifadəsini əhatə edən müasir döyüş üsullarına cavabıdır.

Axar.az xəbər verir ki, bunu Ukrayna Silahlı Qüvvələrinin baş komandanı Aleksandr Sırski deyib.

“Bu, yüksək texnologiyalı müharibədir, dron müharibəsidir. Bir il əvvəl ilk dəfə hücum əməliyyatında hücum qruplarından istifadə etdik. Bunlar Kurskdakı 33-cü və 225-ci hücum taborları idi. Bu taborlar ilk olaraq düşmən ərazisinə daxil olub, onların sərhəd müdafiəsini yarıb keçib. Onlar düşmənin hərəkətlərini qabaqlamaq, cəbhədən hücum taktikasından deyil, ilk növbədə kiçik hücum qruplarının hərəkətləri, düşməni cinahlardan mühasirəyə almaq, arxadan hücuma keçmək baxımından səmərəliliyini nümayiş etdirib. Kursk əməliyyatlarının təcrübəsini təhlil edən Baş Qərargah yüksək effektivliyə görə hücum bölmələrinin miqyasını genişləndirmək qərarına gəlib”, - o bildirib.