Rusiyanın Moskva vilayətində "Krokus Siti Holl"da baş verən terror aktı zamanı yaralanan Dmitri Sarayev uzun müddətdir davam edən müalicəyə baxmayaraq, həyatını itirib.

Axar.az xəbər verir ki, bu barədə TASS-a vəkil İqor Trunov məlumat verib.

O bildirib ki, Sarayev konsert zalında atışma zamanı kürəyindən güllə yarası almışdı.

Xatırladaq ki, “Krokus Siti Holl”da törədilən terror aktı nəticəsində daha əvvəl 149 nəfərin öldüyü açıqlanmışdı. Hücumdan sonra hadisənin 4 icraçısı – Məhəmmədsabir Fayzov, Dalercan Mirzəyev, Səidəkrəmi Rəcəbəlizadə və Şəmsəddin Fəriduni Ukraynaya qaçmağa çalışıblar. Onlar Bryansk vilayətində saxlanılaraq Moskvaya gətiriliblər.