Litvanın mədəniyyət naziri İqnatas Adamaviçyus Ukraynanın Rusiya tərəfindən işğal edilmiş Krım bölgəsi ilə bağlı sualı cavabsız qoyduqdan sonra istefa verib.

Axar.az Teleqraf-a istinadla xəbər verir ki, bu barədə yerli media məlumat yayıb.

Onun istefasını Litva Baş naziri İnqa Ruqinene tələb edib.

Yerli KİV-in yazdığına görə, Krımın kimə aid olduğu sualına o, susqunluqla cavab verib, ardınca jurnalistdən bu mövzuya ümumiyyətlə toxunmamasını istəyib.

KİV bildirib ki, Adamaviçyusun bu vəzifəyə təyin edilməsi hələ o zaman mədəniyyət sahəsinin nümayəndələrinin narazılığına səbəb olmuşdu. Çünki onun Milli Rəssamlıq Məktəbini bitirməsi istisna olmaqla, mədəniyyət sahəsi ilə heç bir əlaqəsi yoxdur.