09:54

Rusiyanın enerji infrastrukturuna genişmiqyaslı hücumu nəticəsində ölkənin doqquz vilayətində elektrik enerjisi kəsilib.

Axar.az xəbər verir ki, bu barədə Ukrayna Prezidenti Vladimir Zelenski məlumat yayıb.

“Hazırda elektrik kəsintiləri Kiyev, Donetsk, Çerniqov, Çerkası, Xarkov, Sum, Poltava, Odessa və Dnepropetrovsk vilayətlərində qeydə alınıb. Kiyevdə elektrik və su təchizatının bərpası üzərində müvafiq qruplar işləyir. Zaporojye, Kirovoqrad və Xerson vilayətləri də hücumdan sonra bərpa mərhələsindədir”, - prezident bildirib.

O, Rusiyanın 450 dron və 30-dan çox raketlə 10 oktyabra keçən gecə hücum etdiyini, nəticədə bir uşağın öldüyünü, 20 nəfərin yaralandığını vurğulayıb.