Ukrayna artıq çoxdandır yalnız Rusiya ilə vuruşmur. Rusiya Çn peyklərindən aldığı məlumatlarla Ukrayna ərazisinə dəqiq zərbələr endirir. Burada qeyd etmək istəyirəm ki, Çinin kəşfiyyat peyklərinin qruplaşması ən böyüyüdür və bu, Rusiyadakından qat-qat üstündür.

Axar.az xəbər verir ki, bunu ukraynalı aviasiya eksperti Anatoli Xrapçinski bildirib.

Mütəxəssis qeyd edib ki, Sovet İttifaqı dağılan ərəfədə Rusiya kosmosda aparıcı mövqelərdən birinə sahib idi. Hazırda isə birincilik Çinə məxsusdur və Pekin Rusiyaya yüksək keyfiyyətli kəşfiyyat məlumatları təqdim edir:

“Mən deyərdim ki, biz Rusiya ordusu ilə vuruşuruq, amma onları Çin, Şimali Koreya və İran təmin edir. Çin müəyyən sayda komplekt hissələr və kəşfiyyat məlumatları verir. Buna görə də biz “Rusiya “İsgəndər”ləri modernləşdirdi” deyəndə, bu, düzgün deyil. Düzgün ifadə belə olmalıdır: "Rusiya İran və Şimali Koreyanın sayəsində “İsgəndər”ləri modernləşdirdi, Koreya ballistikasını və İran ballistikasını təkmilləşdirdi”.