Avropa hökumətləri dondurulmuş Rusiya aktivlərinin istifadəsi ilə bağlı razılığa gəlməyə tələsirlər.

Axar.az xəbər verir ki, bu barədə “Faynənşl Tayms” nəşri yazıb.

Qeyd olunur ki, oktyabrın 17-i Ukrayna və ABŞ arasında aparılan danışıqlardan sonra iş intensivləşib. Ukrayna Prezidenti Vladimir Zelenski Vladimir Putinin müharibəni dayandırmaq tələblərini qəbul etməsi üçün Donald Tramp tərəfindən təzyiqə məruz qalıb:

“Oktyabrın 23-də Brüsseldə Avropa liderlərinin sammitinin keçirilməsi planlaşdırılır. Ola bilsin ki, Ukrayna prezidenti də onlara qoşulsun. Siyasətçilər Almaniya kansleri Fridrix Merzin təklifinə əsasən, Ukraynaya 140 milyard avro kredit ayırmaq üçün dondurulmuş Rusiya aktivlərinin istifadəsi ilə bağlı danışıqlar aparmağa çalışacaqlar”.