Rusiya-Ukrayna münaqişəsi də daxil olmaqla, münaqişələrin sülh yolu ilə həlli artıq Türkiyənin iştirakı olmadan mümkün deyil.

Axar.az xəbər verir ki, bunu Türkiyə Prezidenti Rəcəb Tayyib Ərdoğan deyib.

"Bu gün həm dostlar, həm də düşmənlər güclü Türkiyənin danışıqlar masasında olduğunu qəbul edirlər. Bunu qəbul etməlidirlər. Suriyadan Qəzzaya, Fars körfəzindən Rusiya-Ukrayna münaqişəsinə qədər - Türkiyə olmadan heç bir yerdə vəziyyət yoluna qoyula bilməz. Türkiyəyə regionda və dünyada etibar edilir. O, sülh və sabitlik “ixrac edir", - deyə Ərdoğan İstanbulda gənclərlə görüşündə bildirib.

O əlavə edib ki, Türkiyə xarici siyasət, demokratiya, müdafiə sənayesi və iqtisadiyyatda sərhədləri daxilində və xaricində qətiyyətli addımlar sayəsində qlobal gücə çevrilir.