İsrail Livandan ölkənin cənubunda şəxsi evlərə sığınan Hizbullah üzvlərini tərk-silah etməyi tələb edib.

Axar.az-ın Teleqraf-a istinadən məlumatına görə, İsrail tərəfi bildirib ki, Hizbullah tərəfdarlarının tərk-silah tempi qənaətbəxş deyil.

Livan ordusu İsrailin bu tələbini rədd edib. Beyrut bəyan edib ki, hər evdə kütləvi axtarışların aparılması tərk-silah prosesini poza, qeyri-sabitliyə və vətəndaş iğtişaşlarına səbəb ola bilər:

"Onlar bizdən tələb edirlər ki, hər evdə axtarış aparaq. Biz bunu etməyəcəyik. Biz onların istədiyi kimi işləməyəcəyik".

Agentlik yazır ki, Livan hərbi rəhbərliyi hazırkı strategiyanın optimal olduğuna inanır və hakimiyyət ilkin plana uyğun olaraq ilin sonuna kimi Hizbullahın tərk-silahını başa çatdırmağı hədəfləyir.