Meksika Prezidenti Klaudiya Şeynbaum gələn həftə Vaşinqtonda ABŞ Prezidenti Donald Trampla görüşə bilər.

Axar.az xəbər verir ki, bu barədə Meksika lideri keçirdiyi mətbuat konfransında deyib.

O, bu görüşün gələn həftə Vaşinqtonda keçiriləcək 2026-cı il Dünya Kubokunun püşkatma mərasimində baş tuta biləcəyini bildirib.

Şeynbaum qeyd edib ki, ABŞ Prezidenti Tramp və Kanadanın Baş naziri Mark Karninin 5 dekabrda püşkatma mərasimində iştiraklarını təsdiqləməsini gözlədikdən sonra özü gedib-getməyəcəyi ilə bağlı qərar verəcək:

"Hələ qərar verilməyib. Mən yaxın vaxtlarda Prezident Trampla danışmamışam. Görüşün baş tutub-tutmayacağını görəcəyik”.