Böyük Britaniya Rusiyanın hərbi kəşfiyyatına sanksiyalar tətbiq edib.

Axar.az xəbər verir ki, bu barədə Rusiya mediası məlumat yayıb.

Sanksiyaların Britaniya vətəndaşı Daun Stercessin ölümü ilə bağlı istintaqın yekun hesabatı ilə əlaqəli olduğunu bildirib.

Böyük Britaniya sanksiyaları Rusiya hərbi kəşfiyyatında çalışanlar da daxil olmaqla, “Rusiya dövləti tərəfindən maliyyələşdirilən zərərli fəaliyyətin arxasında duran" 11 şəxsi hədəf alır.

Bununla da Rusiya hərbi kəşfiyyatı tamamilə Böyük Britaniya sanksiyalarına məruz qalır.

Qeyd edək ki, bu, 2018-ci ilin mart ayında Solsberidə keçmiş rus casusu Sergey Skripala qarşı sui-qəsd cəhdi ilə bağlı istintaqa aiddir. Araşdırmanın nəticələrinə görə, bu əməliyyat Rusiya Prezidenti Vladimir Putin tərəfindən təsdiqlənib.