ABŞ Silahlı Qüvvələri Suriyada İŞİD terror qruplaşmasının döyüşçülərinə qarşı antiterror əməliyyatına başlayıb. Bu addım Palmirada amerikalı hərbçilərə edilən hücuma cavab olaraq atılıb.

Axar.az xəbər verir ki, bunu ABŞ-ın hərbi naziri Pit Heqset deyib.

Onun sözlərinə görə, "Hawkeye Strike" ("Şahin gözü zərbəsi") əməliyyatı İŞİD döyüşçülərinin, infrastruktur obyektlərinin və silah anbarlarının məhv edilməsinə yönəlib:

“Bu, yeni müharibənin başlanğıcı deyil, qisasın elanıdır”.

O həmçinin qeyd edib ki, əməliyyat zamanı ABŞ hərbçiləri artıq bir sıra döyüşçüləri zərərsizləşdiriblər və fəaliyyətlərini davam etdirməyə niyyətlidirlər.

"Bu gün biz düşmənlərimizi izlədik və öldürdük. Davam edəcəyik", – Pentaqon rəhbəri əlavə edib.