Almaniya hökumətinin hazırki kursu dəyişməzsə, ölkə iqtisadi staqnasiya ilə üzləşə bilər.

Axar.az xəbər verir ki, bu barədə Münhendəki İfo İqtisadi Tədqiqatlar İnstitutunun rəhbəri Klemens Fuest deyib.

“Siyasətçilər özəl sektorun problemlərini həll etmirlər, əslində, onları daha da ağırlaşdırırlar. Ortamüddətli dövrdə vergilər və rüsumlar artacaq, çünki əks halda, məsələn, pensiya artımları artıq maliyyələşdirilməyəcək. Bu, investisiyaların daha da azalmasına və Almaniyadan kapital axınının artmasına səbəb olacaq. Nəticədə Almaniya uzunmüddətli durğunluq dövrünə qədəm qoya bilər. Artıma qayıdışın təminatı yoxdur", - Fuest "Süddeutsche Zeitung" qəzetinə verdiyi müsahibədə bildirib.

O hesab edir ki, Merz indiyə qədər iqtisadi siyasətdəki əsas çətinlikləri müzakirə etməkdən yayınıb.