Cari ildə Rusiya ilə əsir mübadiləsini bərpa etmək üçün çalışırıq. Bu, Türkiyədə aparılan danışıqların əsas mövzusu olub.

Axar.az xəbər verir ki, bu barədə Ukrayna Prezidenti Vladimir Zelenski bildirib.

Zelenski bu gün Türkiyə və Ukraynanın təhlükəsizlik şurasının rəhbərlərinin görüşünü xatırladaraq qeyd edib:

“Biz yeni ildə əsir mübadilələrini bərpa etməyə çalışırıq, bu məsələ Türkiyə ilə danışıqların əsas mövzusudur. Bizə bu dəstək lazımdır ki, vətəndaşlarımızı Rusiya əsirliyindən evə qaytara bilək. Ötən il mübadilələr fəal idi, ilin sonunda, təəssüf ki, dayandı, indi isə bərpa olunmalıdır".