İranda 800 nəfərin edam ediləcəyi ilə bağlı səsləndirilən fikirlər həqiqəti əks etdirmir.

Axar.az xəbər verir ki, bu barədə İran Xarici İşlər Nazirliyinin sözçüsü İsmayıl Bəqai keçirdiyi həftəlik mətbuat konfransında bildirib.

Bəqai beynəlxalq səviyyədə İrana qarşı mənfi atmosfer formalaşdıran tərəfləri kəskin tənqid edib. O bildirib ki, bəzi qüvvələr məsuliyyətsiz şəkildə yalan məlumatları beynəlxalq ictimaiyyətə ötürür:

"Bizim üçün də sual doğurur ki, bu məlumatları beynəlxalq səviyyəyə çıxaranlar kimlərdir və niyə bu qədər məsuliyyətsiz davranırlar? Son hadisələrlə bağlı İrana qarşı çoxsaylı saxta məlumatlar yayılıb və beynəlxalq ictimaiyyətə təqdim olunub".

Qeyd edək ki, ABş Prezidenti Tramp İrana "800 nəfərin edamını təxirə saldığı üçün" təşəkkür etmişdi.