Ötən il dekabrın 28-dən Tehran bazarlarında başlayan və uzun müddət davam edən genişmiqyaslı etirazlarla əlaqədar sosial şəbəkələrdə diqqət çəkən bir hekayə yayılıb.

Axar.az Bakupost.az-a istinadən xəbər verir ki, sosial media platformalarında paylaşılan məlumata görə, etirazlar zamanı ağır yaralanan şəxs ölmüş hesab edilib və meyit torbasına yerləşdirilib. Ailə əvvəlcə xəstəxanaların, sonra isə Kəhrizaq Mərkəzinin morquna baş çəkib və burada çoxsaylı cəsədlər arasında onu tapıb.

Ailəsi öldüyü ehtimal olunan etirazçının yaşadığını görüb. Həmin şəxs təxminən üç gün plastik torbada meyitlərin arasında sağ qalıb. Ailəsi həmin yaralını dərhal xəstəxanaya çatdırıb.

Sosial mediada sürətlə yayılan bu hadisə dünyada ciddi narahatlıq doğurub.