Günəşdə keçən il əmələ gələn ən böyük ləkə topası yoxa çıxıb, sözün əsl mənasında heç nə qalmayıb.

Axar.az Oxu.az-a istinadla xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyası və Günəş-Yer Fizikası İnstitutunun mətbuat xidmətindən məlumat verilib.

Ötən il noyabr ayının sonunda Günəş diskinin görünən tərəfində peyda olan ləkələrdən ən irisinin ölçüsü Yerin diametrindən bir neçə dəfə böyük idi.

Günəşdə ləkələrin sayının azalması, partlayışların da məhdudlaşmasından xəbər verir.

Məlumatda o da qeyd edilib ki, qeyb olan ləkə kompleksi heç vaxt əhəmiyyətli dərəcədə emissiya yaratmayıb, bütün enerji və kütlə Günəş tərəfindən udulub.