Almaniya kansleri Fridrix Merz Danimarkanın Baş naziri Mette Frederiksen və Qrenlandiyanın Baş naziri Yens-Frederik Nilsen ilə görüşüb və Almaniyanın Arktika regionunun təhlükəsizliyinin təmin edilməsi üçün daha çox səy göstərəcəyini bildirib.

Axar.az xəbər verir ki, görüş “Die Velt” qəzeti tərəfindən Berlində təşkil edilən illik iqtisadi konfrans çərçivəsində baş tutub.

Danışıqlar Qrenlandiya ətrafındakı mövcud vəziyyətə həsr olunub.

"Avropa oyanıb. Avropa birliyimiz Qrenlandiya ilə bağlı uğurlu danışıqlara töhfə verib. Almaniya NATO tərəfdaşı olaraq, Arktikada təhlükəsizliyin təmin edilməsinə sadiqliyini gücləndirəcək. Mən Mette Frederiksen və Yens-Frederik Nilsenə bu barədə bildirmişəm", - Merz qeyd edib.