Avropa yeni böyük güclər dövründə ayaqda qalmaq üçün artıq yalnız dəyərlərə deyil, real gücə də söykənməlidir.

Axar.az xəbər verir ki, bunu Almaniya kansleri Fridrix Merz deyib.

Bundestaqda çıxışı zamanı Merz vurğulayıb ki, Avropa beynəlxalq siyasətdə təsirini qorumaq istəyirsə, “sərt gücün məntiqini” qəbul etməlidir.

“Biz dünyada öz ideyalarımızı yalnız o halda həyata keçirə bilərik ki, güc siyasətinin dilində danışmağı öyrənək və real Avropa gücünə çevrilək”, – deyə kansler bildirib.

Onun sözlərinə görə, ABŞ-ın mövqeyində baş verən dəyişikliklər və böyük dövlətlər arasında rəqabətin kəskinləşməsi Avropanı yeni reallıqlarla üz-üzə qoyur.