Fransa Prezidenti Emmanuel Makron amerikalı maliyyəçi Ceffri Epşteynlə 2016-cı ildə Birləşmiş Ərəb Əmirliklərindən olan iş adamı və “DP World” şirkətinin icraçı direktoru Sultan Əhməd bin Sülayem vasitəsilə iş görüb.

Axar.az xəbər verir ki, bu barədə məlumat ABŞ Ədliyyə Nazirliyi tərəfindən dərc edilmiş arxiv sənədlərində yer alıb.

Bildirilib ki, 2016-cı ildə Makron Fransua Ollandın prezidentliyi dövründə iqtisadiyyat naziri vəzifəsində çalışıb. Sənədlərə görə, məhz bu ildən etibarən o, insan alverində və yetkinlik yaşına çatmayanlara qarşı cinayətlərdə ittiham olunan Epşteynlə əlaqə saxlamağa başlayıb.

2018-ci ilə aid məktublarda Makronun artıq prezident kimi hazırlanmasında kömək üçün Epşteynə və digər şəxslərə müraciət etdiyi göstərilir.

Yazışmalara görə, Epşteyn amerikalı iş adamları ilə Makron administrasiyası arasında rəsmi kanallardan kənar əlaqələrin qurulmasında vasitəçi kimi çıxış edib.