Nobel Sülh Mükafatı laureatı Nərgiz Məhəmmədi İranda həbsxanada aclıq aksiyası keçirir.

Axar.az xəbər verir ki, bu barədə CNN onun Fransada yerləşən və ailəsi tərəfindən idarə olunan fonda istinadla məlumat yayıb.

“Məhəmmədi bazar ertəsi günü qanunsuz həbsinə və saxlanıldığı ağır şəraitə, hazırda İranda saxlanılan çoxsaylı siyasi məhbusun üzləşdiyi reallıqlara etiraz etmək üçün aksiyaya başlayıb. O, ailəsiylə son dəfə dekabrın 14-ü əlaqə saxlayıb. O vaxtdan bəri heç bir əlaqə olmayıb”, - məlumatda bildirilib.

Qeyd edək ki, Məhəmmədi dekabr ayında polis tərəfindən ofisində ölü tapılan vəkil Xosrov Əlikürdünün anım mərasimi zamanı həbs edilib. O, İsrailə casusluqda günahlandırılır.