Qərblə flört edən Ermənistan Ukraynanın yolunu izləyərək eyni səhvləri edir.

Axar.az xəbər verir ki, bunu rusiyalı politoloq Aleksandr Dudçak deyib.

ABŞ vitse-prezidenti Ceyms Devid Vensin Azərbaycana səfəri ilə bağlı sualı cavablandıran politoloq Bakının ABŞ-ın NATO tərəfdaşı olan Türkiyə ilə sıx əlaqələrini vurğulayıb:

“Onların öz maraqları var. Onlar Ermənistan tərəfindən aldıqları məlumatları çatdıracaqlar. Proseslər ABŞ-ın xeyrinə gedir. Matryoşka diplomatiyası: bir böyük strategiya kiçik strategiyaları bir strategiyaya sığdırır. ABŞ-ın maraqlarına uyğun oynamaqla öz maraqlarınızı ələ keçirə bilərsiniz. Hələ ki, onların uğurları var. Ermənistan Qərblə flört edərək Ukraynanın yolunu davam etdirir və eyni səhvləri edir, bu da nə həyat səviyyəsini yaxşılaşdıracaq, nə də sabit inkişafa gətirib çıxaracaq, əksinə ölkəni türklər və azərbaycanlıların asılı ərazisinə çevirəcək. Ümid edirəm ki, bu baş verməz”.