İranın xarici işlər naziri Abbas Arakçı ABŞ-ın İrana qarşı hərbi əməliyyatının adına (“Güclü (epik) qəzəb”) istehza edib.

Axar.az xəbər verir ki, bu barədə Arakçı X hesabında yazıb.

“Güclü (epik) səhv əməliyyatı”nın 9-cu günündə neftin qiyməti ikiqat artıb və bütün mallar sürətlə bahalaşır. Bilirik ki, ABŞ böyük inflyasiya şoku ümidi ilə neft və nüvə obyektlərimizə zərbələr endirməyi planlaşdırır. İran tam hazırdır. Və bizim də bir çox sürprizimiz var", - Arakçı bildirib.

Qeyd edək ki, ABŞ və israil 28 fevralda İrana qarşı hərbi əməliyyata başlayıb. ABŞ əməliyyatına “Güclü (epik) qəzəb”, İsrail isə “Aslan nərəsi” adını verib.