Ukrayna 434 kvadrat kilometr əraziyə nəzarəti bərpa edib. Bundan əlavə, Rusiya işğalçı qüvvələrinin yeni hücumu dayandırılıb.

Axar.az xəbər verir ki, Ukrayna Prezidenti Vladimir Zelenski bu açıqlamanı CNN-ə verdiyi müsahibədə deyib.

Dövlət başçısı qeyd edib ki, düşmən ordusu hücuma 2025-ci ilin sonunda başlamağı və yazda davam etdirməyi planlaşdırırdı:

"Onlar bu əməliyyatı hazırlayırdılar, biz isə əks-hücum addımları, paralel hərəkətlər həyata keçirirdik. Rusiyanın döyüş meydanında bizə qarşı kütləvi hücum etməsinin qarşısını almaq istəyirdik. Buna görə də əməliyyatı ilin sonunda başlatdıq və 434 kvadrat kilometr əraziyə nəzarəti bərpa etdik".