Nisbətən sakit gecə ərzində Ukrayna ən azı 100 ədəd “Şahid”in hücumunu dəf edir, lakin çox vaxt bu rəqəm iki və ya dörd dəfə artıq olur. Paralel olaraq, Moskva qanadlı və ballistik raketlər buraxır. Son dörd ildə bu, Kiyevin üzləşdiyi unikal problem olub.

Axar.az xəbər verir ki, bu barədə "Telegraf" məlumat yayıb.

Qeyd olunub ki, indi vəziyyət dəyişib:

"Artıq Yaxın Şərqin 10-a yaxın ölkəsi İran “Şahid"lərinin hücumu altındadır. Ukrayna bunu bir fürsət olaraq görüb, region ölkələrinə, eləcə də ABŞ Prezidenti Donald Trampa bu dronlarla mübarizədə yardım təklif edib. Bu ölkələrin hava hücumundan müdafiə sistemləri "Şahid”lərlə döyüşməyə hazır deyildi. Bu PUA-lar qismən klassik qanadlı raketlərə bənzəyir, lakin əsas fərq onların qiymətidir: 30-50 min dollar.

Müharibənin ilk günlərində Körfəz dövlətləri bu PUA-ları "Patriot" raketləri ilə vururdu ki, bu da "Şahid”lərdən 20 dəfə bahadır. Ukraynanın da bunu etmək imkanı yoxdur.

Bunun əvəzinə, Ukrayna "Şahid"ləri vurmaq üçün özünün bir sıra həll sistemini inkişaf etdirdi. Ən böyük yenilik isə bahalı dron ələ keçirən raketlərin ucuz dronlarla əvəzlənməsi idi. Fars körfəzinin əksər ölkəsi İranın dronlarına qarşı mübarizə aparmaq üçün Ukrayna sistemlərini almaqda maraqlıdır. Bu dronları istehsal edən şirkətlərdən birinin nümayəndəsi bəyan edib ki, Kiyev və Fars körfəzi ölkələri arasında müqavilələr bağlanarsa, onlar Yaxın Şərqə 5-10 min dron göndərməyə hazırdır".