Rusiya BMT Təhlükəsizlik Şurasında Hörmüz boğazı üzrə gəmiçiliyin güc tətbiqi ilə bərpasına yönəlmiş təşəbbüsləri tənqid edib.

Axar.az xəbər verir ki, bunu Rusiya xarici işlər naziri Sergey Lavrov bildirib.

Onun sözlərinə görə, bu addım regionda münaqişənin sülh yolu ilə həlli şanslarını artırmayacaq.

Lavrov bildirib ki, qətnamə qəbul edilərsə, daha sonra İrana qarşı aqressiyanı qanuniləşdirmək üçün istifadə ediləcək.

Qeyd edək ki, Bəhreyn tərəfindən digər Fars körfəzi ölkələri və İordaniyanın dəstəyi ilə təklif edilən BMT Təhlükəsizlik Şurası qətnaməsi Hörmüz boğazından tranzit keçidin təmin edilməsi üçün bir sıra müdafiə tədbirlərini nəzərdə tutur.

Daha öncə “Nyu York Tayms” nəşri Rusiya, Çin və Fransanın BMT-nin Hörmüz boğazında güc tətbiqinə icazə verən planın qəbuluna qarşı çıxdığı xəbərini yayıb.