Türkiyə ABŞ və İran arasında danışıqların davam etdirilməsini zəruri hesab edir və iki ölkə arasında gələcək əlaqələrin təşkilinə səy göstərir.

Axar.az xəbər verir ki, bu barədə hakim Ədalət və İnkişaf Partiyasının (AKP) sözçüsü Ömər Çelik Ankarada jurnalistlərə bildirib.

"Bütün dünya İslamabadda keçirilən ABŞ-İran sülh danışıqlarını izlədi. Təəssüf ki, onlar birinci raundda başa çatmadı. Bizim mövqeyimiz budur ki, sülh danışıqları davam etdirilməlidir. Bunun üçün atəşkəsə riayət etmək və onu qorumaq lazımdır. Belə ciddi məsələdə bir raunddan sonra nəticə gözləmək sadəcə qeyri-realdır. Türkiyə də öz növbəsində bu danışıqların ikinci və üçüncü raundlarının təşkilinə töhfə verməyə davam edəcək", - deyə o bildirib.

Çelik əlavə edib ki, ABŞ-İran danışıqlarının gündəliyinə çoxsaylı olduqca mürəkkəb məsələlər — Hörmüz boğazı, nüvə proqramı, nüvə silahları və insan itkiləri daxildir.