ABŞ ilə Mərkəzi və Cənubi Asiya ölkələrinin hərbi qulluqçuları iyun ayında birgə hərbi təlimlər keçirəcək.

Axar.az xəbər verir ki, bu barədə ABŞ Mərkəzi Komandanlığı (CENTCOM) məlumat yayıb.

Məlumata görə, bu, ABŞ və region ölkələri hərbçilərinin iştirak etdiyi 30-cu “Regional Əməkdaşlıq” təlimi olacaq.

Bildirilib ki, təxminən on iki ölkədən olan hərbi qulluqçular əməliyyat bacarıqlarını təkmilləşdirmək, hazırlığı artırmaq və regional təhlükəsizlik əməkdaşlığını təşviq etmək üçün ABŞ-da təlim keçəcəklər.

Eyni zamanda Rusiya xarici işlər nazirinin müavini Mixail Qaluzin qeyd edib ki, Qərb bu regionu öz məqsədləri üçün yenidən formalaşdırmaq cəhdlərini davam etdirir və Mərkəzi Asiya ölkələrini Rusiyanın təhlükəsizliyinə təhdid yaratmaq üçün plasdarma çevirməyə çalışır.