21:37

ABŞ Milli Kəşfiyyatının direktoru Tulsi Qabbard sümük xərçəngi ilə mübarizə aparan ərinə dəstək olmaq üçün istefa verir.

Axar.az xəbər verir ki, bu barədə “Foks Nyus”un verdiyi məlumatda deyilir.

Qabbard Oval Ofisdə keçirilən görüşdə qərarını ABŞ Prezidenti Donald Trampa bildirib. Onun Milli Kəşfiyyatın direktoru kimi son iş gününün 30 iyunda olması gözlənilir.

***

ABŞ Prezidenti Donald Tramp Tulsi Qabbardın Milli Kəşfiyyat direktoru vəzifəsindən ayrıldığını təsdiqləyib.

Bu barədə Tramp “Truth Social” hesabında paylaşım edib.

O bildirib ki, Qabbard 1,5 il ərzində mühüm işlər görüb:

“Tulsi inanılmaz iş gördü və biz onun üçün darıxacağıq”.