ABŞ-ın strateji neft ehtiyatları son iki ilin ən aşağı səviyyəsinə enib.

Axar.az xəbər verir ki, CNN telekanalının apardığı hesablamalara əsasən, ABŞ-ın strateji neft ehtiyatlarının həcmi 2024-cü ilin aprel ayından bəri ən aşağı göstəriciyə çatıb.

ABŞ Energetika Nazirliyinin son məlumatlarına görə, ölkədə neft və neft məhsullarının ümumi ehtiyatları hazırda 1,584 milyard barel təşkil edir və azalma tendensiyası davam edir. Strateji ehtiyatlarda neftin həcmi sonuncu dəfə 2003-cü ilin mart ayında 1,5 milyard bareldən aşağı səviyyədə qeydə alınıb.

Məlumata əsasən, İranla münaqişənin başlanmasından sonra ehtiyatlardakı neftin həcmi təxminən 12 faiz azalıb. "S&P Global Energy"nin qiymətləndirməsinə görə, Hörmüz boğazının bağlanması qlobal bazarda 1,2 milyard barel neft itkisinə səbəb olub. Yaranmış çatışmazlığın aradan qaldırılması məqsədilə yalnız ötən həftə strateji ehtiyatlardan bazara 9,1 milyon barel neft çıxarılıb.

Mütəxəssislər hesab edirlər ki, Vaşinqton və Tehran arasında mümkün sülh razılaşması əldə olunsa belə, neft bazarının sabitləşməsi dərhal baş verməyəcək.