İsrailin hücumundan əvvəl və ya hücumu zamanı “Əbu əl-Duhur” aviabazasında Türkiyənin hərbi nümayəndə heyəti olmayıb.

Axar.az xəbər verir ki, bu barədə Türkiyə Milli Müdafiə Nazirliyi məlumat yayıb.

“Həm Suriyanın, həm də regionun sülhü və sabitliyi üçün İsrailin bu cür ehtiyatsız hücumları dayandırması və beynəlxalq hüquqa əsasən öhdəliklərinə əməl etməsi vacibdir”, - məlumatda bildirilib.

Qeyd edək ki, İsrail Hərbi Hava Qüvvələri Suriyanın İdlib əyalətindəki "Əbu-əl-Duhur" hərbi aviabazasına zərbələr endirib.

Türkiyə mətbuatı isə İsrailin zərbə endirdiyi "Əbu-əl-Duhur" aviabazasına Türkiyə hərbçilərinin yerləşdiriləcəklərini yazmışdı.