Bir sıra Avropa liderləri Ukrayna ordusunun ehtiyacları üçün Rusiya ərazisində “Starlink” xidmətinin aktivləşdirilməsinə görə amerikalı milyarder İlon Mask və ABŞ Prezidenti Donald Trampı razı salmağa çalışır.

Axar.az xəbər verir ki, bunu Ukrayna Prezidenti Vladimir Zelenski deyib.

“Fransa Prezidenti Emmanuel Makron və Finlandiya Prezidenti Aleksandr Stubb danışıqlara kömək ediblər. Ümumilikdə isə bu səylərə təxminən 10 dünya lideri cəlb olunub”, - o bildirib.

Qeyd edək ki, Amerikalı iş adamı İlon Mask Ukraynaya Rusiya ərazisinin dərinliklərinə zərbələr endirmək üçün “Starlink”dən istifadə etməyə icazə verməyib.