Rusiya prezidentinin mətbuat katibi Dmitri Peskov bildirib ki, ŞƏT sammitində Ermənistanın Baş naziri Nikol Paşinyanın erməni dilində çıxışı zamanı onun nitqinin rus dilinə tərcüməsinin təmin olunub-olunmayacağı barədə düşünüb.

Axar.az xəbər verir ki, bu barədə TASS məlumat yayıb.

“Rus dilində tərcüməni eşitmək üçün taxılan qulaqcığın harada olduğunu, çıxışın rus dilinə tərcümə edilib-edilməyəcəyini və erməni dilindən rus dilinə tərcüməçinin olub-olmadığı barədə düşünürdüm. Tərcümə baş tutdu. Paşinyanın erməni dilində çıxışı Ermənistanın suverenliyini vurğulamaq istəyinin siqnalı oldu. Düzünü desək, bunun nə üçün rus dilində bəyan edilə bilmədiyini anlamadıq. Lakin bu, dövlət başçısının seçimidir və biz onun seçiminə hörmətlə yanaşırıq", - o bildirib.

Qeyd edək ki, Paşinyan Bişkekdə keçirilən “ŞƏT+” iclasında erməni dilində çıxış edib.